Popular Bible Verses from ISAÍAS 51

Share

Señor Diosmi nin: Ñoqapunin sonqochaqniykiqa kani. ¿Imanaqtintaq wañuq runata manchakunki? ¿Imanaqtintaq q'achu hinalla kaq runata manchakunki?

Ñoqan hanaq pachata mast'arqani, kay pachatapas teqsicharqani, kunantaq Sión llaqtata nini: Qanqa llaqtaymi kanki, ñoqan yachachiyki, makiywanmi llanthuykuyki, nispay.

Uyariwaychis, chaninkaqta reqsiqkuna, uyariwaychis, yachachikuy simiyta sonqoykichispi hap'iqkuna. Ama manchakuychischu runakunaq pisichasqasuykichista, ama manchakuychischu k'amisqasuykichista

Cheqaqtapunin ñoqa Señor Diosqa Sión llaqtata sonqochasaq, llapa raqay-raqay kasqankunatan llakipayasaq. Ch'inneqkunatan Edén huertaman hina tukuchisaq, ch'aki pampakunatapas plantasqay huertaman hinan tukuchisaq. Hinan runaqa Sionpi kusikunqa q'ochukunqa, takiykunqakun, “gracias” niwanqakun.

Señor Diospa qespichimusqankunaqa kutimunqakupunin, Sionmanmi takispa haykunqaku, wiñaypaqmi kusisqa tiyakunqaku. Q'ochukunqakun kusikunqakun, manañan hayk'aqpas nanachikunqakuchu anchinqakupaschu.