Popular Bible Verses from ISAÍAS 35

Share

Señor Diospa kamachi-kaymanta horqomusqan kaqkunallan. Sionmanmi wichanqaku kusikuymanta takikuspa, kusikuymanta sonqopas-sonqon tiyashallanqakupuni. Q'ochukuytan kusikuytan tarinqaku, waqaypas llakikuypas chinkapunqan.

Kallpachaychis pisi kallpakunata, yanapaychis sayk'usqakunata, manchalikunata niychis: ¡Kallpachakuychis! ¡Amaña manchakuychischu! ¡Hamushanñan Diosniyki qespichinasuykichispaq, awqaykikunataqa muchuchinqan imaynachus muchuchinata hinapuni! nispa.

Chayninqa ñanmi kapunqa, Ch'uya Ñan sutiyoqmi kapunqa, huchasapa runaqa manan chay ñantaqa purinqachu. mana yuyayniyoqpas manan chay ñantaqa purinqachu.

Hinan ñawsakunapas qhawarinqa, roqt'ukunapas uyarinqa.

Wist'ukunapas taruka hinaraq p'itanqa, upakunapas kusikuymanta takinqa. Ch'inneqpin pukyukuna paqarinqa, ch'aki pampapin askha unu puririnqa.