Popular Bible Verses from ISAÍAS 30

Share

Purisqaykipi pañamanña lloq'emanña pantanki chaypas, ninriykiwanpunin qhepaykimanta uyarinki: Kayninmi ñanqa, kayninta puriy, nimuqta.

Señor Diosmi ichaqa suyashasunkichis sumaqta qhawarinanpaq, payqa chanintapuni ruwaq Dios kaspan sinchitapuni munashan qankuna khuyapayaykuyta. ¡Kusisamiyoqmi paypi suyakuqkunaqa!

Israelpa Ch'uya Diosnin Qollana Señormi nirqan: Kutirikamuwaspaykichismi llakhilla kaspaykichismi qespisqa kankichis, thak-kayniyoq kaspaykichismi mak'allikuwaspaykichismi kallpachasqa kankichis. Qankunataq ichaqa mana munarqankichischu

Señor Diosqa hinaña llakikuywan phutikuypiwan ñit'iykusunki chaypas, yachachiqniykiqa manan pakasqachu kanqa, aswanmi ñawiykiwanpuni rikunki.

Sión orqopi tiyaq Jerusalén runakuna, cheqaqtapunin manaña waqankichischu. Yanapanapaq waqyakuqtiykiqa sumaqtan Señor Diosqa qhawarimusunkipacha, waqyakuqtiyki hinan kutichimusunkipacha.

Señor Diosmi nin: ¡Ay mana kasukuq wawaykunamanta! Paykunan purinku yuyaykusqallankuta manataq ñoqaq yuyaykusqaytachu, hukkunawanmi rimanakunku mana ñoqaq kamachisqallay, chaykunawanmi huchata yapakushallanku.