Popular Bible Verses from ISAÍAS 25

Share

Señor Diosníy, qanpunin Diosniyqa kanki, chaymi hatunchasqayki yupaychasqayki, qanmi musphanakunata ruwarqanki, cheqaq hunt'aq kaspaykin ñawpaqmanta yuyaykusqaykita ruwarqanki.

Señor Diosqa wiñaypaqmi wañuytapas chinkachinqa, llapaq ñawinmantan waqaytapas ch'akichinqa, llapan pachantinmi imaymana llakikunawan llaqtanpa p'enqakuyninta chinkachipunqa. Señor Diospunin chayta nin.

Chay p'unchaypin ninqaku: Kaymá Diosninchisqa, paypin suyakurqanchis, paytaqmi qespichiwarqanchis, chay hinaqa kusikusunchis q'ochukusunchis, paypunin qespichiwaqninchisqa, nispa.

Chay orqo patapin Señor Diosqa llik'inqa llapan llaqtakunaq llakikuymanta uya qatakunanta, llapan suyukunaq lutokunan qatakunata.

Sión orqo patapin Tukuy-atiyniyoq Señor Diosqa llapan suyukunapaq wakichinqa sumaq añaka mikhunakunata, sumaq poqosqa vinokunata, sumaq misk'i mikhuykunata, sumaq allinnin ukyanakunatawan.