Popular Bible Verses from ISAÍAS 17

Share

Damasco llaqta contra willakuy. Tukuy atiyniyoq Señor Diosmi nin: Damascoqa manañan llaqtachu kanqa, k'urpa monton hinan kapunqa.

Israel suyuq pukara llaqtankunaqa thunisqan kanqa, Damasco llaqtaq atiyninqa p'uchukapunqan, Siria suyupi qhapaq runakunaqa Israel runakuna hinallataqmi p'enqaypi rikukunqaku, nispa.

Israelpa Diosnin Señormi nin: Chay p'unchaymi Israelpa mentasqa-kayninqa pisiyarqapunqa, qhapaq-kayninpas tukurqakapunqa.

Siria suyu llaqtakunaqa wiñaypaq purunyachisqan kapunqa, uywa michinamanmi tukupunqa, mana piqpa mancharichisqanmi uywakunaqa mikhunqa.