Popular Bible Verses from GÉNESIS 50

Share

Qankunaqa mana allinniypaqmi yuyaykurqankichis, Diostaq allinman tukuchirqan kunan rikusqanchista ruwanapaq, askha runata kawsachinapaq.

Josetaq ichaqa paykunata nirqan: —Ama manchapakuychischu, ñoqaqa manan Dioschu kani.

Ahinaqa, ama manchapakuychischu, ñoqan uywasqaykichis qankunatapas wawaykichistapas, nispa. Chay hinatan paykunata sonqocharqan, sumaqtataq rimapayarqanpas.

Kay hinata Joseta ninkichis: Valekuyki, wawqeykikunaq mana chanin ruwasqan huchanta pampachanaykipaq, mana allintan rikurqasunkiku riki, nispa. Chayrayku kunan valekuykiku taytanchispa Diosninpa kamachinkunaq mana chanin ruwasqaykuta pampachawanaykikupaq, nispa, nichimunankupaq. Josetaq waqarqan willaqkuna rimashaqtinku.

Chay qhepatataq Joseqa wawqenkunata nirqan: —Wañukapusaqmi, cheqaqtapunin Diosqa watukamusunkichis, hinaspan kaymanta pusapusunkichis Abrahamman, Isaacman, Jacobmanwan prometesqan hallp'aman, nispa.

Hinaspan Joseqa Israelpa wawankunata jurachirqan: Cheqaqtapunin Diosqa watukamusunkichis, chaypachan tulluykunataqa kaymanta apapunkichis, nispa.

Josemi wañukapurqan pachak chunkayoq watayoq, hinan hampikunawan ch'arkirqanku, Egiptopitaq huk cajonpi churaykusqa karqan.