Popular Bible Verses from ÉXODO 20

Share

Ñoqan Apu Señor Diosniyki kani, Egipto suyupi kamachi kasqaykimanta horqomuqniyki. Aman ñoqamanta wak dioskunayoqchu kanki.

Aman ima rikch'aytapas ruwakunkichu, hanaq pachapi kaqman rikch'akuqtapas, kay pachapi kaqman rikch'akuqtapas, kay pachaq ukhun unupi kaqman rikch'akuqtapas. Aman chaykunaman k'umuykukunkichu, amallataq chaykunata yupaychankipaschu, ñoqa Apu Señor Diosniykiqa sienteq Diosmi kani. Ñoqan cheqnikuwaqniy tayta-mamakunata huchallikusqankumanta muchuchini, hinallataq wawankunatapas, nietonkunatapas, nietonkuq wawankunatapas.

Taytaykita mamaykita yupaychay, ñoqa Apu Señor Diosniyki qanman qosqay hallp'api unayta kawsanaykipaq.

Samana p'unchayta yuyariy ñoqapaq t'aqanaykipaq.

Aman sutiyta mana allinpaq hoqarinkichu, ñoqa Apu Señor Diosniykiqa mana allinpaq sutiyta hoqariqtaqa manan hinallatachu qhawasaq.

Soqta p'unchaymi llank'anki, tukuy ima ruwanaykitapas ruwanki, qanchiskaq p'unchaymi ichaqa ñoqa Apu Señor Diosniykipaq t'aqasqa samana. Aman chaypiqa ima ruwanatapas ruwankichischu, qanpas, churiykipas, ususiykipas, qhari kamachiykipas, warmi kamachiykipas, uywaykipas, llaqtaykipi tiyaq wak llaqtayoqpas.

Aman munapayankichu runamasiykiq wasinta, warminta, qhari kamachinta, warmi kamachinta, toronta, asnonta, runamasiykiq imantawanpas, nispa.

Aman runa-masiykita llullakuspa tumpankichu.

Aman wasanchankichu.

Aman pitapas wañuchinkichu.

Aman suwakunkichu.