Popular Bible Verses from MATEO 26

Share

Rikchaspayá Diosta mañakuychik ama tentasqa kanaykichikpaq. Allin rurayta munaptikichikpas cuerpoqa mana kallpayoqmi kachkan —nispa.

Chaymantam paykunata nirqa: —Sonqoymi ancha llakisqa kachkan wañukunaypaq hinaña, kaypi kaspayá rikchaysiwaychik —nispa.

Waklawneqman pasaspanmi pampakama kurkukuykuspan Diosta mañakurqa: —Taytáy, atina kaptinqa ñoqamantayá asurichiy kay ñakariyta, ichaqa amayá ñoqapa munasqaychu kachun aswanqa qampa munasqaykiyá —nispa.

Kaymi contrato rurasqaypa yawarniy. Chaqchusqam kanqa achka runakunapa huchankunata pampachanaypaq.

Mikuchkaptinkum Jesus tantata hapiykuspan Diosman graciasta qorqa hinaspam pakiykuspan discipulonkunaman aypurqa: —Chaskispa mikuychik, kaymi cuerpoy —nispa.

Vasotapas hapiykuspanmi Diosman graciasta qorqa hinaspam paykunaman haywarqa: —Llapaykichik tomaychik.

Discipulonkunapa kasqanman kutispanñataqmi puñukuchkaqta tariykurqa chaymi Pedrota nirqa: —¿Manachum rikchaysiwayta atirqankichik huk horallapas?

Kunanmantaqa manañam uvaspa rurunmanta tomasaqñachu maypacham Taytaypa munaychakusqanpiña qamkunawan mosoq vinota tomanaykama —nispa.

Chaymi Pedro yuyarirurqa: “Manaraq gallo waqachkaptinmi kimsa kutikama negawanki” nispa Jesuspa nisqanta. Chaymi hawaman lloqsiruspan aminankama waqakurqa.

Hatariychik, hakuña. Hamuchkanñam traicionawaqniy —nispa.

Hinaptinmi Jesus nirqa: —Kutiykachiy espadaykita maymi kasqanman, espadawan llapa peleaqkunaqa espadawantaqmi wañunqa.