Popular Bible Verses from Apocalipsis 22

Share

Ñoqam kani Qallariypas, Tukupaypas, Punta kaqpas chaynataq Qepa kaqpas.

¡Arí, chayllam hamusaq! Apamuch-kanim premiotapas, chaytaqa sapakamamanmi imam ruwasqankuman hina qosaq.

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

¡Chayllam hamusaq! ¡Mayna kusisqam kay libropi qellqasqaman hina Diospa willakusqan kasukuqkunaqa! nispa.

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.

Kaykunamanta willakuqmi nirqa: “Arí, chayllam hamusaq”, nispa. ¡Amén! ¡Hamuyña Señor Jesús! Señor Jesucristopa kuyakuyninyá qamkunawan kachun. Amén.

Haykam kay libropi qellqasqa profeciakuna uyariqkunamanmi kaynata nini: Pipas kaykunaman yapaptinqa, Diosmi paymanpas kay libropi qellqasqa kaq hatun castigokunata yapanqa. Sichum pipas kay libropi qellqasqa profeciakunamanta qechuptinqa, chay qechuqpa tupaqnintam Diospas qechunqa kawsay qokuq sachamanta, chuya llaqtamanta hinaspa kay libropi qellqasqa kaqkunamanta, nispa.