Popular Bible Verses from Rôm 3

Share

Bɨ́bɛ̂h, bé á si sâ syóm. Bisyɛ́ɛla bimpâ byɔ́ɔ́ alwɨ́ŋlɨ, ajala e kûm mé Nzyɛ̌m. Nzyɛ̌m dwé bé nkam ɨ́ míh mé ó, ɨ́ mpam nyé, mʉr ajánǎ sɔ̂ʼ. Nyě dwé bé nkam nyaá ó, ebě, Yésʉs-Krîst á si táa góo, le edwih bé ɨ́ mpila ébébe, pɛʼ bé ɨ́ fá.

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib. Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Abe e mʉr dí tîtyěl. Abe e mʉr. Kâr mʉ̂r ngwár! Abe e mʉr dí egʉ́ǎ sá dí tîtyěl yɨ́. Abe e mʉr dí esáǎ Nzyɛ̌m. Bʉr bɨ́bɛ̂h, bé á si dyɛ̂l ɨ́ bébebébe nzɨ̌. Bɨ́bɛ̂h, bɨ́ dwě ntuʼ ɨ́ jɔʼ gwár. Abe e mʉr dí esâ bʉ́ʉ́ bʉ̂r embɨa. Kâr mʉ̂r ngwár!

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»