Popular Bible Verses from Milʉ́mlʉ́ 17

Share

Nye á sâ nó ó, bé sáŋaa nye. Bé ósáa nyê, ɨ́ sáa sáa nó, bé obɛ̌m bee nyê. Lɨ́ otyeetye, Nzyɛ̌m, nyé acɛra e mʉr ngwár ɨ́ mɨná gâ.

Nye á si kûhlo, duho ɨ́ mʉr ngwár, bikúl bíbyɛ̂h. Nye nzě dil byé ɨ́ sí yɨ̂ʼ yɨ́yɛ̂h, nyé osí boó tyêl bíjɔʼ bé ngá di tɨ̂ʼ bí le egbâ mínjɨ ɨ́ sí yɨ̂, lɨ́ elɛ̂ʼle bígúmó bé ódi bí.

Nzyɛ̌m, mʉr á kuho sí yɨ̂ʼ yɨ́yɛ̂h, ndu e l'ekomlǒ sá yɨ́yɛ̂h dí tɨ̂ʼ tʉ́ŋlʉ̌ yɨ́ nyá, nye ó dí Njwɨ́ɨ kʉ́ e sí. Nyé abe lɨ́ edi ɨ́ mempáh me dí esumɔɔ e mebó mé bʉ̂r má.

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

Mpʉ mɨ́ná dí gá bwán bé yɨ́, mɨná bé ajala le ekǎ jwɨʼ gá ó, Nzyɛ̌m mʉr tɨ̂, nyě nwɨɨlá ó e bisá mɨ́ná dí elúlo gá ɨ́ gʉ̂l, nkʉ̂ ɨ́ nkóhó mɔnɨ́ bí. Nyé anwɨɨla ntémé e byaá mɨ́ná dí ekpaʼ gá ɨ́ mekóʼ, lɨ́ edû mpʉ ócwóó le mipɨpɨ́ʼ dí etɨ́e yɨ́.