Popular Bible Verses from Ohutula 5

Share

Mani Musa neende Arooni bachia eyiri omutuki wa Misiri mani baaboola bati, “Omwaami, Nasaae wa Yisiraeli, aboola ati, ‘Leha abaandu baange bechiire, hu banyale ohuuholera Esidyaalo mu siparara ohuunjisamo oluyaali.’ ”

Ohutula niinjia eyiri omutuki ohulomaloma mu liita lyao, yemeeda ohuyira abaandu neende egiili. Nae ewe haba saali hoo esiindu syoosi syooholere ohubahoonya daawe!”

Musa yakaluuhana yaatingaala eyiri Omwaami n'aboola ati, “Omwaami, lwasiina oli ohusaandya abaandu bao otyo? Lwasiina waanduma eno?

Omutuki oyo nae yabahada ati, “Omwaami oyo niye wiina? Nae lwasiina ese hoyeere ohumutekeeresa hu ndehe Yisiraeli achie? Ese haba siimanyireho Omwaami oyo; haandi ese haba siinja ohulehaho Abaisiraeli bechiire.”

Nae haandi muhoyere mubayiike baholeenge obuungi bw'amatafwaali obwaaka koti bu baholereenge, ataali ohuleemaho kata lala. Mbao mbona mbwe bali koti abataali neende emirimo kibaera ohuhola, mani sakira beedinyiise ohusabirisa mbwe mbalehe bechiire bayaaneyo ebiyaanwa byaabwe eyiri Nasaae waabwe! Berese abaandu bahole emirimo misito muno, bahaye ohuba neende ebiha bi otekeeresa emboosi ch'obubacha.”