Popular Bible Verses from Esabbuli 18

Share

Omwaami niye olwaanda lwaange, niye obweyikamo bwaange, haandi niye omuwonia waange, Nasaae waange, olwaanda lwaange, niye yi nyoolamo obweyikamo, niye engabo yaange neende olwiika lw'obuwonia bwaange, niye amaani kaange.

Nasaae wuno, engira yae njoolerefu niyo; esisuubise sy'Omwaami syadyeeri; Nasaae niye engabo y'abaandu beeruhira yaali.

Omwaami ahoyera ohufumisibwa, mani yaamonia ohutula hu basuku baange.

Mu bidinyu byaange, ndalirira Omwaami; ndalirira Nasaae waange mani yahoonya. Omwaami yawulira ekono lyaange naali mu bwiihalo bwae bwoolerefu, mani amaliro kaanga kamwoolaho.

Eee, niiwe owumberesaanga obulafu; Omwaami Nasaae waange niye omalaangao esiirima syaange.

Nasaae owamberesa amaani, haandi niye owanderesera engira yaange.

Omwaami aliwo; haandi omuliindi waange afumisibwe, haandi Nasaae omuwonia waange akinisibwe.