Popular Bible Verses from Yosua 1

Share

Yichulisa oti mbeere hulagiire ohuba omumaliirifu haandi omugumu! Otabeechaanga omuti oba omusinyifu, olwohuba ese Omwaami Nasaae wao, ndi naawe eyo yoosi y'ochiira.”

Yomiseenge ohubona muti esitabo sy'Amalako sisomwa mu hwiinamira Nasaae hweeng'we hwoosi. Sisomeenge esideete neende esiro, haandi mubona muti mwiisa oluyaali mu buli siindu syandiikwamo. Mani ao muba muchia ohubeechaanga abanyali haandi ababitamo mu buli siindu sibahola.

Ewe maliirira sa, haandi ogume; haandi mani omale wehaliirise oliinde sa Amalako koosi ka Musa omuhalaabani waange yababeresa. Mutalekeeresaangaho kata esituundu syako, nimuba muchia ohubitaangamo buli yi muchia ohuchichaanga.

Ewe Yosua, abulao oyo yeesi onanyala ohuhuyiingira n'osisiiri omulamu. Njia ohuba naawe koti lu ndabeechaanga neende Musa. Njia ohuba naawe ebiha byoosi; haba siinjia ohuhujwaang'aho kata sa nabudiidi.

Jiing'a haandi ogume, olwohuba ewe niiwe ochia ohuba omwiimirisi w'abaandu bano nibanaba hu beengira ohuyira esyaalo sino si ndasuubisa bakuuka yaabwe.

Koti sa lu ndaboolera Musa, ese malire ohuhuberesa alala neende abaandu baange boosi eloba lyoosi li muchia ohunyala ohuhuumbaho.

Yaboola ati, “Omuhalaabani waange Musa mbano afwiire. Mani ewe weetekehe bulaanu, ewe alala neende abaandu ba Yisiraeli boosi, mwaambuhe Omwaalo kwa Yorodaani mwiingire mu syaalo si ndi ohubaberesa.

Luunyuma lw'ohufwa hwa Musa omuhalaabani w'Omwaami, Omwaami yalomaloma neende Yosua omuhoonyi wa Musa, haandi omwaana wa Nuuni.

Enjaho cheeng'we chichia ohutulira elalira hu siparara emwaalo ohwoolera elalira hu Ngulu cha Lebbanooni emukulu; ohutulira elalira hu mwaalo muhunuufu Omwaalo kwa Ewufuraate ebukwe, ohubitirania mu syaalo sy'Abahiiti, ohwoolera elalira hu Nyaanja Hoongo ya Mediterania emuumbo.

Oyo yeesi ochia ohukanakanaanga obunyala bwao, oba ohuhayaanga ohwiisa oluyaali mu buli malako kao, achia ohwitwaangwa sa. Ewe ba omumaliirifu haandi omwomiifu!”

ohuchia babite mu kaambi yoosi nibaboolera abaandu bati, “Tekeheho ebyohulya, olwohuba mu ndaalo chidatu enaamba munaba nimuchiire ohwaambuha Omwaalo Yorodaani ohuchia ohuyira esyaalo si Omwaami Nasaae weeng'we ali ohubaberesa.”