Popular Bible Verses from Yeremia 7

Share

Olwohuba, hu ludaalo lu ndatusa bakuuka yeeng'we ohutula mu syaalo sya Misiri, haba sindababeresa ebilagiro bidiira hu biyaanwa bisaambwa neende ebiyaanwa biindi. Nae ndabalagira sino endi: Wulireenge ekono lyaange, mani njia ohuba Nasaae weeng'we, naang'we muchia ohuba abaandu baange. Muchianakaneenge neende ebyo byoosi bi mbalagira, mani buli siindu sichia ohubachiira bulai.

Nae nibahaya ohuwulira oba ohutekeeresa, ohutusaho baloondakana neende amakesi kaabwe keene, neende ebiholwa by'emyooyo kyaabwe mibi. Mani mubweyaango bw'ohusuda mu moni, bakaluha sa enyuma.

“Kaluuhanie ebiima byeeng'we neende ebiholwa byeeng'we. Mube abadyeeri eyiri abasyeeng'we. Muleheenge ohufwiinyirira bawalukeenda, neende bamulehwa, neende abahasi bafwiirwe. Mwaakamire ao ohwiitaanga abaandu babula omusaango mu syaalo sino. Mwaakamire ao ohwiinamiraanga banasaae baandi, olwohuba, nimubeenamira abeene muba mwechuunia sa.” Ao mani njia ohubaleha mumenye mu syaalo sino si ndaberesa bakuuka yeeng'we ohuba esyaabwe endaalo choosi.

Omwaami w'Obunyala, Nasaae wa Yisiraeli aboola ati, mukolole esaambo cheeng'we neende ebiholwa byeeng'we, mani njia ohuleha mumenye mu bweyaango buno.