Popular Bible Verses from Yeremia 23

Share

Abulao omuundu onyala ohweekisa abuundu woosi mani ndaahaya ohumubona. Haba simumanyire muti ndi muukulu neende mu syaalo?

Omwaami aboola ati: “Bone, esiha syahoole, mani ndoole omutuki muluungifu ohutula hu lwiibulo lwa Daudi. Omutuki oyo niye owahatuke neende amakesi haandi yahahole ebyadyeeri neende eby'obuluungifu mu syaalo. Mu biha byae, abaandu bomu Buyudaaya bahabe bulai, neende abomu Yisiraeli bahabe neende omuleembe.” Mani bahamulaangeenge bati: Omwaami niye obuluungifu bweefwe.

Omwaami aboola ati: Chibaakaanire, abeemirisi abo abasihirisa haandi abasalaania abaandu b'Omwaami.

Mani njia ohubuusa alala abaandu baange ohutula mu byaalo bi basalaaniramo, mbakobose mu syaalo syaabwe. Baheebule mani beengiiye muno. Njia ohudoola abeemirisi abanaabadeebeengeho, mani bahayeenge ohutya neende ohweyendehereraanga haandi, mani abuleo onyala ohukota daawe. Ese Omwaami, Niise oboola.”

Omwaami w'Obunyala aboola ati, “Mutawuliraanga emboosi ch'abanabbi balaangirira yi muli, nibabasuubisa ebiindu bi bachia ohubahoonya. Bababoolera ebiindu bi beene babaasa sa, ebitatula eyiri Omwaami.