Popular Bible Verses from Esekeeli 34

Share

“Njia ohukoonya amakoondi kakota, njia ohukobosa ako akasalaana, maambe akafuniha, ndere akalwaala, ngobose amaani mwaako akabulamo amaani. Nae amakinu haandi ak'amaani, njia ohukaliinda. Njia ohukaayira mubwadyeeri.

Koti lu mwaayi yahakoonyeresa mu byaayo byae amakoondi kaandi kasalaanire, nilwo lu syesi njia ohukoonyeresa amakoondi kaange. Njia ohukawaabina ngatuse buli abuundu yi kasalaanira hu ludaalo lw'ebireesi neende esiirima olwo.

“Olwohuba Omwaami Nasaae aboola ati: Bone, Ese omweene, njia ohukoonya amakoondi kaange, mani ngaaye.

Ese omweene, Niise ochia ohwaaya amakoondi kaange, nganyoolere abuundu yi kawuluuhira. Ese Omwaami Nasaae, Niise oboola.

“Eng'we, amakoondi kaange, ebyaayo bi njaya, niing'we abaandu baange, haandi Niise Nasaae weeng'we.” Nilwo lu Omwaami Nasaae aboola.

“Ewe omwaana w'omuundu, laangirira ebidiira hu masira kahakwe hu beemirisi ba Yisiraeli. Baboolere oti, kata eyiri eng'we abaayi, Omwaami Nasaae aboola ati: Chibaakaanire eng'we abaayi ba Yisiraeli, abeliisa mweeng'ene, nae nimuhaya ohuliisa amakoondi. Abaayi haba sibahoyeere ohuliisa amakoondi daawe?