Popular Bible Verses from Esekeeli 33

Share

Baboolere oti: ‘Koti lu Ese Omwaami Nasaae ndi omulamu, haba sisaangaaliraanga ohufwa hw'omuhola-mbi daawe, nae ndaha omuhola-mbi akaluhaane atule mu ngeri chae mbi mani abe omulamu. Mani eng'we Abaisiraeli, mukaluuhane, mukaluuhane mutule mu biholwa byeeng'we bibi. Lwasiina mudaha ohufwa?’

“Mani bulaanu, ewe omwaana w'omuundu, wesi huteereo obe omuliindi w'Abaisiraeli. Mani sakira, nonaawulireenge emboosi chaange, balabuleenge.

Nae, noolabula omuhola-mbi oyo alehane neende ebiholwa byae bibi, mani yaahaya ohwaakama ohwonoona, omuhola-mbi oyo aba achia ohufwiira mu byonoono byae, nae ewe haba sooba onaba neende omusaango kwoosi daawe.”

Nae omuliindi n'abona omusuku niyeecha, mani yaahaya ohuubba eturumbete, abaandu baahaya ohulabulwa, mani omusuku yeeta mulala hu bahola-mbi, omusaango kw'ohufwa kw'ofwiire oyo mba njia ohukuta hu muliindi oyo.

Olwohuba yawulira ekono ly'eturumbete, mani yaahaya ohudeebayo daawe. Ohufwa hwae ohwo, musaango kwae omweene. Aba niyadeebayo mani yaalabuha, aba yawonia obulamu bwae.