Popular Bible Verses from Esekeeli 18

Share

Olwohuba Ese haba sisaangalira mu hufwa hw'omuundu kata mulala. Mukaluuhane mutule mu byonoono byeeng'we, mani mube abalamu. Nilwo lu Omwaami Nasaae aboola.”

Omuundu yonoona niye olifwa. Omwaana haba saachia husaanda hulw'ebyonoono bya laatang'ene, noomba omwibusi yaasaanda hulw'ebyonoono by'omwaana wae. Omuudnu muluungifu ananyooleenge omukabo ohweema hu buluungifu bwae. Haandi omuhola-mbi, yesi ananyooleenge omukabo ohweema hu bibi byae.

Mweetuseho ebyonoono byeeng'we byoosi bi mwahola, munyoole ebibaaso biyaaha neende omwooyo muyaaha. Eng'we Abaisiraeli, lwasiina mwedahisa ohufwa?

Mubaasa muti, saangaliraanga ohufwa hw'omuundu mubi? Haba daawe, nae ndaha yeyolobye mani abe omulamu. Nilwo lu Omwaami Nasaae aboola.

“Nae omuundu mubi, n'akaluuhana mani yaalehana neende ebyonoono byoosi bi yahola, mani n'adiira amalako kaange koosi haandi yaahola ebyadyeeri neende ebilai, mubwadyeeri bweene, achia ohuba omulamu, haba saacha hufwa daawe.

Omuundu oyo adiira amalako kaange haandi yooseresa bulai bi mulagira. Omuundu oyo muluungifu niye, haandi achia ohuba omulamu.” Nilwo lu Omwaami Nasaae aboola.