Popular Bible Verses from Danieli 7

Share

Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Muhubonehera hu ndanyoola mu esiro, ndabona esiindu sifwaana koti omwaana w'omuundu niyeehera hu bireesi byomu kulu, mani niyeecha eyiri Oyo Owaliwo ohutula hale-na-haandi, mani nibamumanyisa mu moni wae.

Mani Obwaami neende obunyala neende oluyaali lw'obutuki bwoosi obuli hu syaalo bwahabereswe aboolerefu b'Oyo ow'Aakulu Muno. Mani obutuki bwaabwe buliba obw'endaalo choosi, haandi ab'obunyala boosi bahamuhalaabanire haandi bamuwulira.

Nae aboolerefu ba Oyo Ow'Aakulu Muno, bahanyoole obutuki, mani buchia ohuba obwaabwe endaalo choosi.”