Popular Bible Verses from Loma 15

Share

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Inaoy no si sidongen na inyo ni Ama ta do to a yapwan no sarasaray ta a yamapait so onowned ta. Inaoy no si inarahen nyo si Yeso Kizisto apiya so icicirawat a icyakma nyoy asa ka tao so onowned. So ikalovot nyo a zomwazway si Ama ta do to a Ama na ni Yeso Kizisto a Panirsirngen ta.

Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.

Manakem ta o kapasaray ta so akma tey kakteh do cinai. Ta ori o ikarapa do onowned da amraralay ni Ama ta do to.