Popular Bible Verses from Loma 14

Share

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi. Ori an o ahapan ta so vazay ta ji Kizisto an. Ta ori o sarayan na nyaten ni Ama ta do to a kano icyatatao ta.

Ta si Yeso a Panirsirngen ta am yapwan no inawan ta. Am ori o ika si Yeso na no pasarain ta. Tana do ika mavyay ta pa, tana do ikawakwak ta na am ji ta hamangi o ka si Yeso no tomalamozong nyaten.

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

Am ori o ji ta macitamtamwaji an. Ta naknakmen ta kaji ta mapeyvazayan so pacikzan da meyraraten no akma tey kakteh do cinai.

Ta maniring do Seysyo a ciring na ni Ama ta do to am, “O ko pa ciring jinyo am ko manoyong a mavyay a Tao do to. Am ori o ikamimin da no tao a meylilitod do tangain ko a zomwazway jyaken a Tao do to da.” No si akman sang am mamimin tamo a mangay do tangain na pacicin na ni Ama ta do to no makwa.

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Sino ka a yamazyak no lamlamsoy no karwan no tao. Manngwa, ji na zyakan no katenngan a tao o karatan no lamlamsoy na? No si Yeso o Panirsirngen na kasidong na sya am jyabo karahet na.