Popular Bible Verses from 2 Kedinto 5

Share

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Tana ta jyacita no mata ta si Ama ta do to am ta ipeyhanhan sicyaikwaya a mangononong do ciriciring na.

O akman rana sang am mamimin ori a vazay na ni Ama ta do to. Si Yeso Kizisto am ori o tanyo ipacikaop rana ji Ama ta do to a mina kavosoyan na. So ta icyakman sang a ipeyhanhan ni Ama ta do to a mangay a mapanop so ji manaralay a tao ji Ama ta do to. O yanamen ipeylimwang a ciriciring eya am na nipangozayan si Yeso ni Ama ta do to a yamapanop jyaten a tao do karawan. Na ji nita o raraten no tao. So na torwan nya jyamen so nanao na a meylimwang nya do tao a kanop da rana si Ama ta do to.

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay. Am ori o ji ta to mangozai do ahahapan ta sya a tomita so icyatatao ta. Tana akman so sang o nyahahapan ta si Kizisto no kakwa am cyaha, ta tamo na niblisan sicyaikwaya.

O pangangarilawan ni Kizisto amyan do onowned namen. Ta namen katenngan sicyaikwaya o kanimawakwak ni Yeso no tao do karawan. Am ori o ta icyakmey asa rana a macizanod do inawan ni Yeso a nimawakwak.