Popular Bible Verses from 2 Kedinto 4

Share

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

Am ori an, namen jyaraci nya so onowned. Tana ji namen a ngahay a yameypararakeh am yamangday do araraw o onowned namen a yameypahagnat. O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Namen masangib a makasazi so alalaw am namen ji pehmai. Tomakatakaw am namen kaji makatenngan do namen ahahapan sya am ji namen a mahayo. Yaro tao a macioya jyamen am yamyan so tao a marilaw nyamen. No to namen jyangangay so inawan a pakakasyan da am ji namen a wakwak.

Am yamen rana am katonodan namen o nyamaog no tana vanga a maspispi. Am o maoran do onowned namen a ciriciring na ni Ama ta do to am tey makdeng. So ikabeken a yamonganay jyamen no oyowyat a meylimwang nya, ta monganay ji Ama ta do to.

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.