Popular Bible Verses from looma 2

Share

at'inghi'so. nanghia. 'e osko titha eayaezoyʉ no mocmo ci hi'hioa aʉlʉ 'e osko iachia hioa! mikon'asi ma'unano teko meelʉ totoefʉngʉ no yʉsvʉta to hamo? nenusi no osko hupotfʉnga na ma'cocacni, ho luaveica to hamo? nteko cohivi mo ma'cocacni 'o hamo, maica lasi'so 'ucia poa ma'vovei suu.

nanghia, ho lako eayaezoyʉ no mocmo, 'upena hoci siya suu, o'ate ahta peelʉi peu'uzva. ho ciko eayaezoyʉ no mocmo, ho totiski no mocmo na lako hioa, 'amicueno invonvo topco no kuisi.

maica 'o hamo. o'alasi avahvoh'una 'e cou.

maica na lasi yʉsvʉta to hamo ho uk'a kuisi, o'as'a inalac'o tmalʉ to hoolicu ci cou, mai'ola peis'ofeihni to hoolicu ci cou.

maica i'o hamo tasila ieni no peipeis'ausna tamo macicihi ho eveia.

inacu 'ola ma'cachi. bʉʉpsʉpsʉ to so'emio. apuyu to'ofeihni tola 'oha moulʉlʉ ci cou. na sʉ'no ho patvovei to hamo tesi poa cmʉ'ho ta feangohe.

at'inghi mo yameomʉ ho kʉhtosʉ si 'tohʉngʉsu, i'mi ta iachi ho m'eya asuhcu man'i ci sʉ'nova, 'amakna tiou no asuhcu ecvʉhʉ ci patvovei ho tac'u esmi na hiesi no ahmʉskʉ ho moulʉlʉ ci yʉsvʉtʉ to hamo.