Popular Bible Verses from pilipi 2

Share

'otela angu ma'konvosʉ, 'ote konvosʉ noc'o ongko, la yupania einu, huepzi na mocmo mo tosa'ohe ta iachi. teav'a anovac'o aʉt'ʉca 'e iachi, la yaeza siya no 'tohʉngʉ nate koa ʉmnʉ na mocmo ci cou.

temula 'tohʉngʉ na 'tohʉngʉ to kilisto iesu

mo anana'o yaa yu'ausna to hamo, at'inghi o'aisi tiʉnpʉnpa na totiski afnaso ci tonʉ to hamo. apuyu, isi iachia teongasi 'e acʉcʉhʉ, yaahe 'e yu'ausna no soskuskunu. tmuezuhu cou, boemi ta mi'ausna ta cou ho aopa'to. iachi yuaceaco, meo'uzo ac'ʉhʉ no mcoi, a'vinano mcoi to zuuzika.

maica la asngʉcʉ yonta 'tohʉngʉmu 'o hamo ho yaahioa, poa smoekaebʉ muu ho a'ʉmta peiseafi na yonghu ci 'tohʉngʉsi.

i'mi tan'e, isi hoepzeni to hamo, ac'ʉhʉ no sopepea, pafi to nosa'ohe to ma'o'ongko ci ongko. te akoeva no einva 'o ongko to iesu, acʉcʉhʉ na yane pepe, ta hpʉhpʉngʉ, ho ina yane mʉ'eona ta ceoa cila mayayaansoua, te acʉhʉ mi'usnu ho m'ohkuyu. te tmunsohʉ 'o ngayohe ho esansano: zou nooe'oca 'o iesu kilisto, toehungu tohmomoengʉ to psoevohngʉ to amohamo.

'upena hoci cuma nantemu hioa 'otes'ala eubut'u hocieno yupa eehcʉvho, temueno meelʉ yonta mo kuzo ho aknon'i ci hpʉhpʉngʉ ho cocofkoya, meelʉ uk'a heo'tʉ ci 'o'oko to hamo. temula psoetiskou ta 'ayumona ta yatatiskova, mais'a 'o congeoha hola psoetiskou ta engʉca.

songohia ci maananghia, ne mo'ula no'upu muu lamu asngʉcva talʉi a'o; maitan'e ho o'a mi'o no'upu muu, ntemu h'unasa talʉi a'o, la ma'eopeophi. o'te tosvo asno'zona aepʉnga na to'usni 'e iachi