Popular Bible Verses from pilipi 1

Share

la'u amsʉ'eona taa'uzva, i'omo yonto 'tohʉngʉmu ho i'eongceni tamo maica yonghu ci hi'hioa ci hamo, 'atesi ahta o'te a'cʉ'cʉna hi'hioa eni. aepʉnga no hiesi ho tac'u i'vaho cmʉ'ho 'o iesu kilisto.

i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu, temu meelʉ epei tomo so'ʉmnʉa. maicac'o, yono hiesi no i'vaho cmʉ'ho 'o kilisto, temu meelʉ cofkoya ho uk'a 'o'emamzi no koica.

maica hoci e'usna a'o, ho mi'o yaansoua, te nomio to kilisto; hoci'u mcoi, te asuhcu yaa tov'oha!

cono hola'u talʉa muu, ta'ucu 'aveoveoyʉ to hamo.

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

i'ela'u atva'esa tongsoya ho ta'usni: o'ate'o yuszozʉ no te'o anana'va sviei ci hi'hioa, apuyu conino, aavaho ta maitan'e la a'sʉftonʉ yaa 'ʉteʉ, 'upena hoci mcoi ho yaansoua, boemi ta aucunu ci a'o ho psoevohngʉ to kilisto.

mimu mayo no afnaso ci tonʉ ho fifiho to kilisto, o'a te anovac'o taa'uzva, te maezo nomio to kilisto ho tiou no 'atutumzo.