Popular Bible Verses from 'epeso 4

Share

la boemi no ma'cocacni ho yupa aʉt'ʉcʉ, yupa meteongaso, aʉlʉ totiski to hamo ho isi ieni to kilisto ho peteongasa muu.

temula ma'einu, ma'cocacni, luaveica, boemi no himngonghi ho yupa peteongaso

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no, teav'ala poa ohsasko'ʉ na 'akuma.

temula yungvo'a 'ola conino koa yunsou tote meaapayo'ʉ ci <noana'o ci a'o>; i'o noana'o ci a'o isi ieni to eepecvai to ma'konvosʉ hocu toapayo'ʉ. na 'to'tohʉngʉ ho koyumu la peʉezi no faeva, paceofa 'e <faeva ci a'o>; 'e faeva ci a'o isi ieni to mi'a'ausna to hamo ho teyai, isi peiseafi ta mo i'mi to so'emio ho cmʉfeʉ ci moulʉlʉ ho cofkoya.

boemi no suseomʉ ho yupa yuecnguhu, pnanfi na tonʉ ho atʉkca na ohsi faeni to seilei cimo tmucni ci 'tohʉngʉ.

'aeno i'omo maezo <mofi to mengumi ta cou> cimo cihi; isi esvʉta pano tena sitoo, panotena eyongensa. panotena psoyaski ta fukuin, panotena vokusi ho lema'cohio. na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto. sotaveisi, tetocu yaa tohmʉskʉ ci singkoo ho bohngʉ to oko to hamo; teto yusuhci ho yʉepʉngi, ohcʉ'ho to h'aucucunu ci mi'a'ausna to kilisto.

maicac'o, nianteto o'te i'vaho mais'a foinana, mumzo to moezʉezʉhʉ ho meknuyu ci la buoyoifo ta cou, fiho tomo mav'ov'o ci motposʉ ho meavaevoezuhu. apuyu, teto boemi no himngonghi ci 'tohʉngʉ ho mo'engho no eʉlʉ ci e'e, yono mo mav'ov'o ho mi'usnu to kilisto ho a'cʉ'cʉnʉ yusuhci. zou fnguu 'o kilisto