Popular Bible Verses from Números 13

Share

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

Calebwan khuska rejkunatajrí kuticherqanku: Mana. Mana chay runakunawan maqanakuyta atisunmanchu. Paykunaqa noqanchejmanta nisqaqa aswan kallpayoj kanku, nispa.

Wakinkunataj jallp'ata qhawamusqankumanta mana maychus kajtachu israelitakunaman willarqanku: Qhawamorqayku chay jallp'aqa runa mikhu jallp'a kasqa. Chaypi tiyakojkunataj manchay jatuchaj runakuna kasqanku.

Chaymantataj Moisesta nerqanku: Noqaykoqa maymanchus kachawasqayku jallp'aman chayarqayku. Chay jallp'apeqa cheqapuni lechewan, abeja misk'iwan ima yaku jina purishan. Rikuychej, má. Kay jinata chay jallp'api poqoj kasqa.

Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Parán nisqa ch'innejpi Cadesman kutimporqanku. Chaypi Moisés, Aarón, chantá tukuy israelitakuna ima suyasharqanku. Chantá kachasqakunaqa imatachus rikusqankuta paykunaman willarqanku. Chay jallp'amanta apasqanku poqoytapis rikuchillarqankutaj.