Popular Bible Verses from Éxodo 16

Share

Nerqanku: Allin kanman karqa Egiptopi Tata Diospa makinpi wañunayku. Jaqaypeqa ashkha aychayoj mankaj ñawpaqenpi tiyarikoj kayku, t'antatapis sajsakunaykukama mikhoj kayku. Qankunarí kay jina ch'inman pusamuwayku, yarqhaymanta wañuchinawaykupaj, nispa. Chantá Tata Dios Moisesta nerqa: Noqa janajmanta mikhunata parachimusaj. Sapa p'unchay israelitakuna toldonkumanta llojsispa, uj p'unchay mikhunankupaj jinalla pallakonqanku. Ajinamanta yachasaj kamachisqayta kasonqankuchus, manachus, chayta.

Chaypi israelitakunaqa Moisespaj, Aaronpaj ima thutorqanku.

Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Noqa uyarini israelitakuna noqapaj thutusqankuta. Chayrayku paykunata kay jinata ninki: Manaraj inti yaykuyta aychata mikhunkichej, tutamantataj t'antata sajsakunaykichejkama mikhunkichej. Ajinapi noqamin Tata Dios qankunaj Diosniykichej kasqayta yachankichej, nispa.