Popular Bible Verses from Roma 14

Share

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita. Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Ane kita da natuvu, kita natuvu mompakadamba Tupu, bo ane kita mamatemo, kita mamate mangoseaka dota nTupu. Nau da natuvu nau namatemo, kita batena todea nTupu.

Haitu sampe kita kana mompasimbuku matuvu mosinggabelo ante roata, bo mosipakaroso rara.

Jadi, nemo raposipakasalata. Agina kita mompasimbuku nemo rapoviata nuapa-nuapa anu mompakeni roata sampomparasaya manavu riara dosa.

Nisanita haitu sabana nitulisi riara Buku Gasa ivei: <<Alatala nanguli, <TesaKu hitu mpuu-mpuu nakana: pura-pura tona kana mantaputu ri ngayoKu. Pura-pura tona kana mompangaku Yakumo Tupura!> >> Yesaya 45:23 Jadi, sampesuvu-sampesuvu, kita simbo mantingayo Alatala bo mesana tempo Ia mompekutana anu nipoviata.

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roata haitu batua nu Alatala, ledo batuata. Ledo masipato kita manjalai batua ntona ntanina. Bara makana bara masala batua haitu, haitu urusa nu tuana mboto, ledo urusata. Bo tona nangande mpengaya-ngaya kandea haitu tantu rareke nakana sabana Tupu nakuasa nombatulungi ia novia anu nakana.