Popular Bible Verses from 1 Korintus 2

Share

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.

Tapi belo nipakasadia nu Alatala haitu, nipopaisaniNa ka kita lako ri Nosa GasaNa. Apa Nosa Gasa nu Alatala nangisani mpengaya-ngaya, sampe nau patuju nu Alatala anu dopa nisani nu manusia, nisaniNa pura.

Ledo kapande lako ri dunia hitu nitarimata, tapi Nosa Gasa nu Alatala nitarimata ala rasanita pura-pura anu nidekei nu Alatala ka kita lako ri kabelo raraNa.

Tesa nipatoleleku ledo niuliku ante tesa-tesa mpeopa anu nopuna lako ri kapande nu manusia. Tapi tempo yaku nompatolele kareba haitu, nikitamiumo kuasa lako ri Nosa Gasa nu Alatala. Nipoviaku ivesia ala pomparasayamiu ledo mopuna lako ri kapande nu manusia tapi mopuna lako ri kuasa nu Alatala.