Popular Bible Verses from Rôma 3

Share

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê; mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr; Mơya tŭ do Kơnràñ kung neh ràng tơlik să tòm Kơnràñ la bơta song ring, mơ kòp la song ring cau lơi in dòn di Yàng Jesu.

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

be neh cih lah: “Ò gơs dô nă cau lơi song ring ò, Dô nă kung ò sơl. Ò gơs dô nă cau lơi git wă, Ò gơs dô nă cau lơi jòi jat Yàng Tom Trồ. Jơh ală bol khai neh tìs nrah, tơl nă ndròm bal gơlik gơs ò kwơ; Ò gơs dô nă cau lơi lơh bơta niam, Dô nă kung ò sơl.”

Bơh bol he dòn lah cau geh kòp la song ring bơh bơta dòn, ò di bơh broă lơh jat bơta boh lam

Ò di behơ̆ ò! Yàng Tom Trồ la song ngan, bulah ală cau la blac chừt, be neh cih lah: “Behơ̆, Yàng geh kòp la song ring tòm ală jơnau đơs Kơnràñ dê, Mơ geh pha lin tòm tŭ Kơnràñ kong cahrña.”