Popular Bible Verses from Romans 2

Share

Nók í꞉se ontiaténro, kwáh iatesháti ehnisaieránion tánon kíʼ kwáh nènne iaʼteseiatoréton nakorénsons! Ísere ontèken ensehseniákenʼne neh Rawenni꞉io rahoiatoretátsera? Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

Níse ontiaténro, tehietʼtsiʼiatorétha kén nakorénsons? Kwáh iáh othènen tesáien nasaterahiátakwe. Áseh kén nónen tensehiatórete nakorénsons, nók thonishéra tsi nihatiʼhiéra, í꞉seʼkhók wasatatréwaʼte.

Ne Rawenni꞉io akwékon kwáh satetiót꞉te tsi tesakoiatorétha.

Rawenni꞉io iáh ne thèken tsi sakotakwarísions nonkwesónha tsi natehóntere ne rahónha tòhka kén ne tsi ronatahonsatáton ne kaianerénsera, nók ne tsi rathísere ne kaianerénsera tsi nihiotshate.

Asèken ne Rawenni꞉io kwáh niatehionkwétake tsi tesakoriwaserákwaʼse entioʼianénhawe tsi naiakotiéren.

Ótiakhes ne ronʼnónkwe ronatétʼtsen tánon ratiriwásons ne tkariwaiéris, neh enhathísere neh kariwáksen; rathiʼiátake ne Rawenni꞉io entʼtáweron ne rahonahkwáhtsera.

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.