Popular Bible Verses from Kessa 32

Share

Asay, Musey zumaa bollafe wodhanaw gam7idaysa be7ida wode Aaronako yidi, “Nuna kaalethishe naagana xoossata nuus ootha. Gibxe biittafe nuna kessida Musey waanidaako eroko” yaagidosona.

Goday Museko, “Neeni Gibxefe kessada, ehida ne asay nagara oothidi, bantana tunisida gisho ellesada duge wodha. Taani enta kiitida ogiyape enti ellesidi shiretidosona. Worqa sheeshidi mara misile oothidi, bantaw eeqa medhidi iya goyinnidosona. Iyaw yarshidi, ‘Nuna Gibxe biittafe kessida nu xoossay haysa’ yaagidosona.

Aaroni hessa be7ida wode, he maraa sinthan yarsho besse giigisidi, “Wonto Godaa bonchiya ba7aale gallas gidana” yaagidi erisis. Wontetha gallas guura asay dendidi, xuussa yarshonne issifetetha yarsho yarshidosona. Yaatidi, asay maanawunne uyanaw uttidosona. Mi uyi simmidi, duranawunne pokoba hananaw dendidosona.

Wontetha gallas Musey asaako, “Hinte iita nagara oothideta; shin ha77i taani Godaako zuma bolla keyada, ooni eri hinte nagaras atotethi demmonna aggike” yaagis.