Popular Bible Verses from - रोमियों 14

Share

कायसे परमेसुर कौ राज खैबो पीबो नईंयां; परन्त धरम और मेल मिलाप और बा खुसी आय; जौन पवित्तर आत्मा से होत आय। और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

कायसे जदि हम जीयत आंय, तो पिरभु के लाने जीयत आंय; और जदि मरत आंय, तो पिरभु के लाने मरत आंय; सो हम जीएं या मरें, हम पिरभु ही के आंय।

ई लाने हम उन बातन में लगे रैबें, जिन से मेल मिलाप और एक दूसरे कौ सुधार होबे।

सो आंगू से हम एक दूसरे पे लांछन न लगाबें पर तुम जौ ठान लेओ कि कोनऊ अपने भाई के सामूं ठेस या उपटा लगबे कौ कारण न बने।

कायसे लिखो आय, पिरभु कैत आय, मोरे जीवन कौ कौल कि हर एक घुटना मोरे आंगू टिक है, और हर एक जीभ परमेसुर हां मान लै है। ई लाने हम में से सबरे जने परमेसुर हां अपनो लेखा दै है।

जौन बिसवास में कमजोर होबै, उन हां अपनी संगत में ले लेओ; परन्त उन के सक सन्देह पर बतकाओ के लाने नईं।

तें को आय कि दूसरे के चाकर पे लांछन लगात आय? ऊकौ पक्को रैबो या गिर जाबो ऊके मालक से जुड़ो आय, और बो पक्को कर ही दओ जै है; कायसे पिरभु ऊ ए पक्को राख सकत आय।