Popular Bible Verses from - रोमियों 13

Share

परन्त पिरभु यीशु मसीह की लीक पै चलो, और देयां की अभलाखा हां पूरो करबे कौ जतन न करो।

आपस के प्रेम हां छोड़ और कोई बात में कोऊ के करजदार न बनो; कायसे जौन कोई दूसरे से प्रेम राखत आय, ओई ने नेम व्यवस्था पूरी करी आय।

हर एक जन बड़े अधकारियन के नेंचें रैबे; कायसे कोई अधकार ऐसो नईंयां, जौन परमेसुर कुदाऊं से न होबे; और जो अधकार आंय, बे परमेसुर कुदाऊं से ठैराए गए आंय।

रात कुल्ल बीत गई आय, और भुन्सारो होबे हां आय; ई लाने हम अंधयारे के कामन हां छोड़ के जोत के हथियार बांध लेबें।

प्रेम पड़ोसी की कछु बुराई नईं करत, ई लाने प्रेम करबो नेम व्यवस्था हां पूरो करबो आय।

ई लाने सबको हक्क चुकाओ, जीहां कर चानें, ऊहां कर देओ; जिए महसूल चानें, ऊहां महसूल देओ; जी से डरबो चईये, ऊसे डरो; जी कौ आदर सम्मान करो चईये ऊकौ आदर सम्मान करो।