Popular Bible Verses from - मरकुस 9

Share

यीशु ने ऊसे कओ; अगर तें कर सकत आय; जा का बात आय? बिसवास करबे वालन के लाने सब कछु हो सकत आय।

लड़का के बाप ने तुरतईं गिड़गिड़ा के कओ; हे प्रभु, मैं बिसवास करत आंव, मोरे अबिसवास कौ उपाय कर।

जब ऊ घर में आओ, तो ऊके चेलन ने अकेले में ऊसे पूछो, हम ऊहां काय न निकाल सके? ऊ ने उन से कओ, कि जा जात बगैर प्रार्थना के कौनऊं और तरीका से निकल नईं सकत।

नोंन अच्छो आय, पै अगर नोंन कौ नोंनपन जात रए, तो ऊहां कीसे स्वाद में कर हौ? अपने में नोंन राखौ और आपसी में मेल-जोल से रऔ।

जो कोऊ मोरे नाओं से ऐसे लड़कन में से कोनऊं एक हां अपनात आय; और जो कोऊ मोहां अपनात आय, ऊ मोहां नईं, बल्कि मोरे भेजबेवाले हां अपनात आय।

जो कोऊ एक कटोरा पानी तुमें ईसें पिलाबै कि तुम मसीह के आओ तो मैं तुम से सच्ची कैत आंव कि ऊ अपनो करमन कौ फल कौनऊं तरीका से न खो है।

पै जो कोऊ ई छोटन में से जौन मोरे ऊपर बिसवास करत आंय, कोऊहां ठोकर खबाए तो ऊके लाने भलो जौ आय कि एक बड़ी चकिया कौ पाट ऊके गले में लटकाओ जाय और ऊहां समुन्दर में फें क दओ जाए।

और अगर तोरी आंख तोहां ठोकर खबाए तो ऊहां निकाल डाल, कनवां होकें परमेसुर के राज्य में घुसबो तोरे लाने ईसे भलौ आय, कि दो आंखें होत भए तें नरक में डालो जाए।