Popular Bible Verses from - मरकुस 10

Share

कायसे कि मान्स कौ बेटा ईके लाने नईं आओ, कि ऊ की सेवा खुसामद करी जाए, पै ईके लाने आओ, कि खुद सेवा टहल करै, और मुतकों की मुक्ति के लाने अपने प्रान देबे।

यीशु ने उनकी कोद तक के कओ, मान्सन से तो जौ नईं हो सकत, लेकिन परमेसुर से सब कछु हो सकत आय।

यीशु ने ऊसे कओ; चलो जा, तोरे बिसवास ने तोहां ठीक कर दओ आय: और ऊ तुरतईं तकन लगो, और गैल में ऊके पांछू हो लओ।

ईसे जीहां परमेसुर ने जोड़ो आय ऊहां मान्स अलग न करै।

यीशु ने ऊ पै नजर कर के ऊसे प्रेम करो, और ऊसे कओ, तो में एक बात की कमी आय; जा, जो कछु तोरो आय, ऊहां बेंच के कंगालन हां दे, और तोहां सरग में धन मिल है, और आके मोरे पांछू हो ले।

ई पै यीशु ने ऊसे कओ; तें का चाहत आय कि तोरे लाने मैं करों? अन्धरा ने ऊसे कओ, हे धरमगुरू, जौ कि मैं तकन लगों।

पै तुम में एैसो नईंयां, बल्कि जो कोऊ तुम में बड़ौ बनो चाहे ऊ तुमाओ सेवक बने।

मैं तुम से सांची कैत आंव, जो कोऊ परमेसुर के राज्य हां बच्चा की नाईं न अपनाए, ऊ ऊ में कभऊं पिड़ न पाहै।

पै कईयक जौन पेंला आंय, पांछू हुईये; और जौन पछाऊं आंय; बे पेंला हुईयें।

पै संसार के शुरू से परमेसुर ने मान्स और बईयर के हिसाब से उने बनाओ आय। ई कारन मान्स अपने महतारी-बाप से अलग होकें अपनी घरवाली के संग्गै रै है, और बे दोई एक सरीर हुईयें। ईसे अब बे दो नईयां पै एक सरीर आंय।