Popular Bible Verses from - दूसरी कुरिन्थियों 5

Share

जो कोऊ मसीह से जुड़ गओ आय बो नओ हो गओ: पुरानी बातें चली गईं आंय, अब सबरो नओ दिखात आय।

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

कायसे हम कोऊ रूप हां तक के नईं, अकेले बिसवास से चलत आंय।

सबरी बातें परमेसुर कुदाऊं से आंय, जीनें मसीह में होकें हमसे मेल कर लओ, और परमेसुर के संग्गै मान्स जुड़ जाबें जौ काज हम हां दओ। जानो कि परमेसुर ने मसीह में अपनो मेल संसार के मान्सन से कर लओ, और उन के पापन की सजा उन हां नईं दई, और उनको जुड़ जाबो कैसे हो सकत, जौ बताबे कौ काज हमें दओ।

सो हम परमेसुर के कोती उनके राजदूत आंय; और परमेसुर हम में होकें बिन्तवारी करत आय: कि परमेसुर से जुड़ जाओ।

और बे ईसे सबरन के काजें मरे, कि जौन जीयत आंय, बे आगे हां अपने लाने न जीये अकेले उनके लाने जौन उनकी कोती मरो और फिन जी सोई गए। सो अब से आगे हम कोऊहां संसार जैसो न मान हैं, और जैसे हम ने मसीह हां संसार घांई जानो हतो, आगे उन हां ऐसो न सोच हैं।

कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।