Popular Bible Verses from - दूसरी कुरिन्थियों 4

Share

हम तो जौन बस्तें दिखात आंय उनहां नईं अकेले जौन दिखात नईंयां उनहां तकत रैत आंय, कायसे जौन बस्तें दिखात आंय बे तनक दिना की आंय, अकेले जौन नईं दिखात बे बिरोबर बनी रै हैं।

ईसे हम हिम्मत नईं हारत; जैसे हमाओ सरीर टूटत जात आय; अकेले हमाए भीतर वालो रोजीना नओ होत जात आय। कायसे हमाओ छिन भरे की परेसानी हमाए काजें खास मान देत आय।

हम चारऊं कोद से दुख भोग रय आंय, अकेले हमाओ बुरओ नईं होत; हम पे काम नईं बनत, अकेले मन टूटो नईंयां। परेसान तो होत आंय; अकेले बिसराय नईं जात; पटके तो जात आंय, अकेले मिटत नईंयां।

अकेले हमाए लौ जा पूंजी माटी के घैलों में धरी आय, जौ बल हमाओ नईंया, परन्त परमेसुर को दओ आय।

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।