Popular Bible Verses from METIYU 28

Share

Hoqgab nulv wn, nyob luuxig nyi mwlwngam ngoqg buub mvta, hoo bulam Ab, Ko Tuup hoo Dvrwqbo yalwg emin gab baptijum jita, hoo ngoqg nulam gaml jinam ham bulam tomswr tvl tvjwl swwm to. Ho ngo nulug lvgab looxiam swcw-nyodongv dubnam gob dooba tayin.’’

Jisu bulug dookub ogum hvvnwq banv bulam benum, “Ngam ao gvda tolo hoo swcw-nyodo so hog mwlw atoram ngoqg alaq si jipa kun.

Ao gumtw akv nyem tulungam benum, “Nulv bos sodwb nyikma, ngo cengdwn, daapo aoho mengknum Jisun nulv meegaqdo. Mwv so dookma, mwv benum hvbkalam, mwv turab nukun. Mwwg gel karkam haagdvl kaaka to.

Jisu bulam benum, “Bos somabv. Wgdvl ngoqg buu tulungam bulam Galilib wtwk hvl bepa ta, hoo alo ngam kaapa tayin.’’

Nyub buda tulungv nyi axa tulug lvgab dookum doopa banv ywrs minsul pagoq ak meelinum, rvkybo tulungam twngk vigo jitwl, benum, “Nulv yubngaql doodwkho mwwg buu tulungv haal svmangam dvcol baqg nukun hvl beto. Ho soq pui sam gora ab tapa baloqkam, ngulv mwam xumt dvb mvtayin hoo nulam vs-axaq pagoq hoqgv cengin tayin.’’ Rvkybo tulungv twngkam naanum hoo bulam hoghvl bedwb jinum hvbjaq nyinum. Hoqgab Juhudi tulug pengko lo hoq hvk puiyv joodul doodwn.