Popular Bible Verses from Singx Nzung 18

Share

ZIOUV zoux yie nyei la'bieiv, yie kaux wuonv nyei dorngx caux njoux yie wuov dauh. Yie nyei Tin-Hungh, se yie nyei la'bieiv, dongh yie ndaauh kaux wuov dauh. Ninh zoux yie nyei torngv-baaih, zoux qaqv njoux yie, zoux wuonv nyei dorngx beu yie.

Naaiv dauh Tin-Hungh, ninh nyei doz dunh yunh nyei. ZIOUV laengz nyei waac, buatc za'gengh zien nyei. Ninh zoux torngv-baaih weic yietc zungv ndaauh kaux ninh nyei mienh.

Yie heuc ZIOUV, dongh puix duqv mienh ceng wuov dauh. Ninh yaac njoux yie biaux ndutv yie nyei win-wangv.

Zuqc kouv nyei ziangh hoc yie heuc jienv tov ZIOUV. Yie heuc jienv tov yie nyei Tin-Hungh tengx. Ninh yiem ninh nyei singx dinc gu'nyuoz muangx haiz yie nyei qiex. Yie heuc jienv ninh nyei qiex bieqc taux ninh nyei m'normh.

Meih diemv zieqc yie nyei dang. ZIOUV, yie nyei Tin-Hungh, ziux yie hmuangx nyei dorngx njang daaih.

Naaiv dauh Tin-Hungh bun yie maaih qaqv yaac bun yie nyei jauv baengh orn.

ZIOUV ziangh jienv. Oix zuqc ceng yie nyei La'bieiv. Oix zuqc taaih yie nyei Tin-Hungh, dongh njoux yie wuov dauh.