Popular Bible Verses from Cong-Mengh Waac 4

Share

Oix zuqc faix fim, goux longx ganh nyei hnyouv, weic zuqc ziangh maengc nyei gorn yiem hnyouv cuotv daaih.

Oix zuqc bun meih nyei zaux yangh nyei jauv yuonh, meih mingh nyei diuh diuh jauv ziouc wuonv.

Meih oix zuqc guangc nzengc gorngv-baeqc nduov mienh nyei waac, bun jaav nyei waac leih nqoi meih nyei nzuih.

Cong-mengh nyei gorn se hnangv naaiv. Oix zuqc duqv cong-mengh, yaac maiv gunv meih aengx duqv haaix nyungc, oix zuqc duqv haih mengh baeqc nyei jauv.

Mv baac kuv mienh nyei jauv se hnangv lungh ndorm nziouv nyei njang, gunv zoux gunv njang taux lungh ziangx aanx. Orqv mienh nyei jauv mapv maengh mapv hmuangx nyei, ninh mbuo maiv hiuv duqv ninh mbuo ndiqv zuqc haaix nyungc ndorpc.

Maiv dungx guangc cong-mengh, cong-mengh ziouc haih beu jienv meih. Oix zuqc hnamv ninh, ninh ziouc goux jienv meih.

Oix zuqc zanc-zanc jangx jienv meih hoqc hiuv nyei jauv, maiv dungx bungx ndortv. Oix zuqc goux longx weic zuqc meih hoqc hiuv nyei jauv bun meih duqv maengc ziangh.

Maiv dungx yangh orqv mienh yangh nyei jauv, maiv dungx gan mienh waaic mienh nyei jauv-louc.

Zuangx fu'jueiv aac, oix zuqc muangx die njaaux nyei waac, oix zuqc longc hnyouv muangx ziouc haih mengh baeqc.