Popular Bible Verses from Cong-Mengh Waac 3

Share

Oix zuqc longc nzengc hnyouv kaux ZIOUV, maiv dungx kaux ganh haih mengh baeqc. Yiem meih zoux nyei diuh diuh jauv oix zuqc nyiemc ninh, ninh ziouc dorh meih yangh horpc nyei jauv-louc.

Maiv dungx hnamv ganh maaih cong-mengh, oix zuqc taaih ZIOUV yaac leih nqoi orqv nyei sic.

Oix zuqc longc meih nyei zinh zoih caux meih nyei yietc zungv gaeng-zuangx nyei daauh torngx biouv taaih ZIOUV. Hnangv naaic meih nyei lamz ziouc buangv nzengc, meih nyei diuv-ongx maaih a'ngunc diuv buangv mienz cuotv.

Maiv dungx guangc hnamv nyei, ziepc zuoqv nyei jauv. Oix zuqc zorqv daaih kuangx jienv meih nyei jaang, aengx fiev jienv meih nyei hnyouv gu'nyuoz.

Yie nyei dorn aah! Maiv dungx mangc piex ZIOUV mborqv njaaux nyei waac, yaac maiv dungx youx ninh gorngv-njaaux, weic zuqc ZIOUV hnamv wuov dauh ninh gorngv-njaaux wuov dauh, hnangv die gorngv-njaaux ninh a'hneiv nyei dorn.

Yie nyei dorn aah! Maiv dungx la'kuqv yie njaaux nyei waac. Meih nyei hnyouv oix zuqc gan longx yie nyei leiz-latc. meih yiem seix zaangc nyei hnoi-nyieqc caux hnyangx-soux ziouc haih ziangh duqv ndaauv, meih yaac haih duqv longx.

Duqv cong-mengh yaac duqv bieqc hnyouv nyei mienh, za'gengh maaih orn-lorqc, weic zuqc duqv cong-mengh nyei ndaauv-daauh se gauh longx jiex nyaanh, ninh duqv nyei leic gauh longx jiex jiem. Cong-mengh gauh jaaix jiex la'bieiv-jaaix. Meih oix duqv nyei yietc zungv ga'naaiv, maiv maaih yietc nyungc haih beiv duqv ninh.

Meih maaih banh zeic tengx mienh nyei ziangh hoc, maiv dungx ngaengc zoux longx nyei sic bun qiemx zuqc tengx nyei mienh.

ZIOUV longc cong-mengh liepc ndau, longc ninh nyei wuonh zaang liepc lungh.