Popular Bible Verses from Yo^en 2

Share

ZIOUV gorngv, “Maiv gunv hnangv naaic, meih mbuo oix zuqc zei maiv nyanc haaix nyungc oix zuqc nzauh, oix zuqc nyiemv jienv longc nzengc hnyouv nzuonx daaih lorz yie.”

“Hoz daaih yie oix dox yie nyei Singx Lingh ceix bun maanc mienh. Meih mbuo nyei dorn, meih mbuo nyei sieqv oix tengx yie douc waac. Meih mbuo nyei mienh gox mienh oix mbeix mbeix. Meih mbuo nyei mienh lunx mienh oix buatc hinc yaangh nyei sic.

Oix zuqc betv meih mbuo nyei hnyouv, maiv zeiz betv meih mbuo nyei lui-houx. Nzuonx daaih lorz ZIOUV, meih mbuo nyei Tin-Hungh, weic zuqc ninh maaih en-zingh yaac korv-lienh mienh. Ninh maiv qiex jiez siepv, ninh za'gengh! ziepc zuoqv nyei hnamv mienh. Ninh yaac goiv hnyouv maiv bun zuqc domh zeqc naanc.

Taux wuov zanc haaix dauh heuc ZIOUV nyei mbuox, wuov dauh ziouc duqv njoux. Yiem Si^on Mbong caux Ye^lu^saa^lem Zingh, ziouc maaih biaux ndutv nyei mienh hnangv ZIOUV gorngv nor. Yiem naaiv deix duqv maengc cuotv nyei mienh mbu'ndongx maaih ZIOUV heuc daaih nyei mienh.

ZIOUV nyei wuov norm gamh nziex haic nyei domh hnoi maiv gaengh taux, mba'hnoi oix hmuangx mingh, hlaax yaac oix siqv hnangv nziaamv nor.