Popular Bible Verses from Марк 4

Share

Ыйса ордунан туруп, бороонго тыюу салып, толкундарга: – Басыл, токтогун! – деп буйруду. Бороон тынчып, айлана жымжырт боло түштү. Анан шакирттерине кайрылып: – Эмне мынчалык коркоксуңар? Ушул убакка чейин ишене алган жоксуңарбы? – деди.

Үрөйлөрү учкан шакирттери өз ара: – Бороон менен деңиз да баш ийген бул ким болду экен? – деп сүйлөштү.

Ыйса болсо кайыктын куйрук жагында жаздык жазданып, уктап жатты. Шакирттери Аны ойготушуп: – Устат, өлө турган болдук! Бизди ойлосоң боло! – дешти.

Ыйса аларга дагы мындай деди: – Укканыңарды байкагыла! Кандай өлчөмдө көңүл бөлсөңөр, ошондой өлчөмдө силерге түшүнүк берилет, ал тургай ашыгы менен берилет.

Ыйса дагы мындай деди: – Кудай Падышачылыгы мындай: адам айдоо талаасына урук себет да, түнү уктап, күндүзү туруп, уруктун кандайча өсүп-өнүп жатканын билбейт.

Уга турган кулагы барлар уксун!