Popular Bible Verses from Матай 27

Share

Саат үчтөрдө Ыйса: – Эли, эли! Лама сабахтани? – деп катуу үн менен боздоп жиберди. Бул сөздүн мааниси: «Кудайым ай, Кудайым! Эмне үчүн Мени таштап кеттиң?»

Ошол замат ийбадатканадагы көшөгө башынан аягына чейин экиге бөлүнүп айрылды. Жер силкинип, таштар быркырады. Көрлөр ачылып, көптөгөн ыйыктар тирилди.

Ыйса болсо дагы бир жолу катуу кыйкырып, анан жан берди.

Жердин силкингенин жана андан башка болуп жаткан окуяларды көрүп, үрөйлөрү учкан римдик жүз башы жана аны менен бирге Ыйсаны кайтарып тургандар: – Бул чындыгында Кудайдын Уулу болгон экен! – дешти.

Түшкү саат он экилерден баштап, бүт жерди караңгылык басып, ал саат үчкө чейин созулду.

Пилат: – Анда Машаяк аталган Ыйсаны эмне кылайын? – деди. Тигилер болсо баары бир ооздон: – Айкаш жыгачка кадалсын! – дешти. Пилат аларга: – Ал эмне жамандык кылды? – деди. Бирок алар мурдагыдан да катуу ызы-чуу түшүп: – Айкаш жыгачка кадалсын! – деп бакырышты.