Popular Bible Verses from 1 Петир 3

Share

Дилиңерде Машаякты Эгебиз катары ыйык туткула. Силердин үмүт менен күтүп атканыңар эмне экенин сурагандарга жооп берүүгө ар убак даяр болгула. Аларга жумшак, сый-урмат менен жооп кайтаргыла. Машаяк жолундагы силердин жакшы жүрүм-турумуңар тууралуу жаман айтып каралагандар, өз айтканынан өзү уялгандай болсун үчүн абийириңер таза болсун.

Себеби адилеттүүлөргө Салып турат назарын, Сыйынуусун алардын Угуп турат Эгебиз. Ал эми жаман иштерди Кылгандардан Эгебиз Бурат жүзүн тескери».

Силердин сулуулугуңар сыртыңарда: чачыңардын өрүлүшүндө, алтын буюмдарды тагынууңарда же көз жоосун алган кооз кийимдерди кийүүңөрдө эмес, ичиңерде, дилиңерде: момундук менен токтоолукта болсун. Бул эч көөнөрбөс сулуулук. Кудай муну абдан баалайт.

Ошол үчүн минтип жазылган эмеспи: «Бактылуу күнгө жетем деп, Көп жашайм десе кимде-ким, Сүйлөбөсүн жаман сөз, Чыкпасын калп сөз оозунан. Жамандыктан оолактап, Тынчылыкка умтулуп, Ынтымакты эңсеп, ал Жакшылык гана жасасын.

Жыйынтыктап айтканда, баарыңар өз ара тилектеш, кайгы менен кубанычка ортоктош, бири бирин бир туугандай сүйгөн, боорукер да кичи пейил болгула. Жамандык кылганга жамандык кылып, кордогонго кордук көрсөтпөстөн, кайра алкагыла. Себеби Кудайдын батасын алыш үчүн силер ушуга чакырылгансыңар.

Эгерде дайыма жакшылык кылалы деген аракетиңер болсо, ким силерге жамандык кылат?

Жамандыктан оолактап, Тынчылыкка умтулуп, Ынтымакты эңсеп, ал Жакшылык гана жасасын.

Эгер жакшылык кылып, азап чеккениңер Кудайдын эрки болсо, бул жамандык кылып, азап чеккенден алда канча жакшы.