Popular Bible Verses from 1 Корунттуктар 2

Share

Кантсе да, Ыйык Жазуунун мындай деп айтылган жери бар: «Кудайды жан-дилинен сүйгөндөргө Ал Өзү даярдаган укмуштарды Адамдар көргөн да эмес, уккан да эмес, Эч кимдин оюна да келген эмес».

Кимде Кудайдын Руху жок болсо, ал Рух ыроологон касиеттерге да ээ боло албайт. Алар анын түшүнүгүнөн сырткары туруп, ага эч маңызы жоктой көрүнөт, себеби рухий нерселерди баамдаш үчүн адам Рухка ээ болууга тийиш.

Бирок Кудай бизге Өз акылмандыгын Ыйык Рух аркылуу ачык-айкын билдирди. Рухка бардыгы, ал тургай Кудайдын жашыруун ой-максаттары да маалым.

Биз кабыл алган рух ушул дүйнөнүн руху эмес. Кудайдын бизге эмнелерди ыроологонун түшүнүп-билиш үчүн бизге Кудай Өзүнүн Ыйык Рухун жиберди.

Сүйлөгөн сөзүм менен айткан насаатымда адам акылмандыгынан келип чыккан сөздөрдү колдонгонум жок. Силерди ынандырган менин кебим эмес, Кудайдын кудуреттүү Руху. Демек, ишенимиңер адам акылына эмес, Кудайдын кудуретине негизделген.